شهيدي مين ؟؟؟
المعلوم و لا المجهول ؟؟
إندفن و لا مستنى الدور ؟؟
مات مبتسم و لا مات مغدور ؟؟
شهداي إسود عايشين
طول ما الظلم حاكم
شهدا الحلم في الطابور
دافعين تمن النور
بسمتهم فرح
مبادئهم حصون تصون
لا بيستنوا أجر ولا نياشين
حريتهم حريتنا جنة و حور
لا وهابي و لا إرهابي
حابي إبن حابي
عاشق نيلها مخضب ترابها
زاعق راعب بدون غرور
عارف يومينه
حابب ربه
محترم لدينه
لا بيفرط و لا بيهون
شهيدي حي كان قابيل
في الشدة جاي ينصر هزيل
راعي المروة
علي الطالم أمير
هلال و ساطع
طريقه أخضر
يخافه ظالم
كل العدا تحسبه خطير
تقول دا قاتل
هو القتيل
خانه ظالم
غدره خسيس شرير
في جوف طير بيحلق
أخضر بهي الطلعة
بينشر حرية
مسامح مش كسير
شهيدي ما ساب الميدان
حر مش جبان
ضحكتة شعار
غضبه سلام في وش النار كبير
عظم شهيدي
فك إيدي
كبر إلهك و إرفع الراس
الظالم عمره قصير ..
أحمد قاسم
